Google බංකොලොත් වෙලාද? Google විකුනන්නද යන්නේ? Google වහන්නද යනනේ? මේ වගේ ප්‍රශ්න ඇති වෙන්න පුලුවන්.

මේ සේරටම උත්තර හොයන්න ඉස්සෙල්ලා මේ වහලා දාපු සේවා මොනවාද කියලා බලමු මුලින්ම.

Google blog එකට අනුව මේ ලැයිස්තුව හැදෙන්නේ මෙන්න මේ විදිහට,

1. Aardvark – මෙයත් යම් තරමක සමාජශීලී සේවයක් දැනුම හුවමාරු කර ගැනීමට නිර්මාණය කලා.
2. Desktop – ඔබගේ දත්ත, ගොනු රදවා තැබිය හැකි ඔන්ලයින් Desktop එකක්.
3. Fast Flip – ප්‍රවෘති සැපයීම් සේවයක්
4. Google Maps API for Flash – තේරුම නමේම තියෙනවා
5. Google Pack – ම්රුදුකාංග භාගත කරගැනීමට ඇති ස්ථානයක්
6. Google Web Security -  තේරුම නමේම තියෙනවා
7. Notebook – Google Docs වැනි සේවාවක්
8. Google Buzz – අමුතුවෙන හදුන්වාදෙන්න ඕනේ නැහැනේ
9. Jaiku – තවත් social networking සේවයක්
10. iGoogle’s social features - iGoogle හි Social networking අංග
11. Google Wave – අමුතුම ආකරයක ඊමේල් එකක්
12. Google Friend Connect – වෙබ් අඩවි සදහා social network අංග
13. Image Labeler,  Sidewiki,  Subscribed Links,  Code Search,  University Research Program for Google Search

මෙලෙස සේවා 20 කට ආසන්න ප්‍රමාණයක් නැවැත්වීමට තීරණය කලේ ඇයිද යන්න ගැන විවිධ මත මතු වෙනවා.

Google ආයතනය විවිධ අත්හදා බැලීම් සිදු කලා. ඔවුන්ගේ සැලැස්ම වුනේ පැවති සේවා සදහා Google ආදේශකයක් යොදා ඒ සදහා වන වෙලදපලත් ඔවුන් සතු කර ගැනීමටයි. සෑම ව්‍යාපාරයක්ම මෙලෙස අන් සතු වෙලදපලවල් ඔවුන් සතු කරගන්න උත්සහා කරනවා. ඉන් සමහරක් සාර්ථක වුනා. Gmail එයට හොදම උදාහරණයයි. Hotmail හා Yahoo mail සදහා වැලේ වැල් නැති වුනා. නමුත් සමහර නිෂ්පාදන අසාර්ථක වුනා. අසාර්ථක වුනා කියනවාට වඩා බලාපොරොත්තු වූ අයුරින් සාර්ථක වුනේ නෑ. Google Wave මීට හොදම උදාහරණයයි.

ඉතින් එම සේවා හා නිෂ්පාදන වසා දැමීම කල යුතුයි. ඔවුන් පවසන ආකාරයට එමගින් ඔවුන් හට ප්‍රධාන සේවා සදහා වැඩි අවධානයක් යොමු කරන්න පුලුවන්.

නමුත් බූඩි සිතන විදිහට ඇත්ත තත්වය වන්නේ මීට තරමක් වෙනස් කතාවක්.

Google ආයතනය සැරසෙන්නේ “ඔක්කොම එකම වහලක් යටින්” යන සංකල්පය ගෙන එන්න. ඒ කියන්නේ මෙන්න මේ වගේ. ඉස්සර අපි පාමසි එකෙන් බේත් අරන්, මාකට් එකෙන් එලවලු අරන්, මස් කඩෙන් මස් අරන් තමා අපේ අවශ්‍යයයතා සපුරා ගන්නේ, නමුත් දැන් ආපිකෝ එකට හරි කාගිල්ස් හරි කීල්ස් හරි සුපර්මාකට් එකකට ගියා නම් වැඩේ හරි.

ඔන්න ඔය වගේ Google සැරැසෙන්නේ ඔක්කොම සේවා එක්තැන් කරන්න. ඉතින් ඔන්න ඒ එක්තැන් කරන්න හදන්නේ Google+ එකේ. සේවා ගොඩාක් නෑ. හැබැයි එකම තැනින් දැන් සේවා ඔක්කොම ගන්න පුලුවන්. එතකොට වෙන වෙනම සේවා වෙත පිවිසෙන්න ඕනේ නෑ. Google+ ගියාම වැඩ ඔක්කොම හරි.

මේ බව හොදටම තහවුරු වෙන්නේ මෙම ව්‍යාපෘති වල සේවය කරමින් සිටිය අය නොවිසුරුවා අනෙකුත් සාර්ථක ව්‍යාපෘතිවලට අනියුක්ත කිරීමයි. නමුත් සමහර ව්‍යාපෘතිනම් ඇත්තටම අසාර්ථක වුනු ඒවා. ඉතින් එවැනි ව්‍යාපෘතිත් මේ සමගම නවත්වා තිබෙනවා.

එකම සන්නමක් (Brand) යටතේ සේවා සැපයීම මගින් ඕනෑම සමාගමකට තම සේවා සංවර්ධනය කිරීම පහසු වෙනවා. බූඩි සිතන පරිදි ඔවුන්ගේ ඉලක්කය එයයි. මේ වන විය ඔවුන් අත ගැසූ සුයලු සේවා පිලිබද හොද දැනුමක් හා අවබෝධයක් ඔවුන් සතුයි. ඉතින් ඒවා Google+ වෙත එකතු කිරීම සිදුකල යුතු හොදම ආකාරයෙන් සිදුවෙනු ඇති බවයි බූඩි සිතන්නේ.

බූඩි දකින විදිහට Google Buzz සාර්ථක වුනා. එය නැවැත්වීමහි අදහස නම් Google+ සදහා යොමු කිරීමයි.

ආයතනක් ලෙස ඔවුන් ඉතාමත් හොදින් කටයුතු කරනවා.

ඕගොල්ලන්ගේ අදහස් ලියලා යන්න අමතක කරන්න එපා. මේ මගේ අදහස විතරයි.

මේ ගැන ලියන්න හිටියේ ගොඩක් කාලෙකට ඉහත උනත් මග හැරුණා අද අවස්ථාවක් ආවා මේ ගැන කතා කරන්න. (සිරස හොද රියැලිටි ෂෝ කරගෙන ගියත් සිරස ඒවා හසුරුවන හැටි බූඩිට දිරවන්නේ නැති නිසා බූඩි ඒ ගැන කතා කරන්නේ නැහැ)

මුලින්ම ITN එකේ විකාෂය උන DFCC mind star ඉතා විෂිශ්ඨ ගණයේ රියැලිටි වැඩසටහනක් ලෙස හදුන්වන්න පුලුවන්, ගුණාත්මකභාවය අතින්. එහි සියලු අංශ වලින් එය ඉතාමත් අනර්ගතම වැඩසටහනක් බව ඔප්පු කලා.

දෙවැනියට ඊයේ අහඹුවකින් වගේ බූඩිට තවත් නව වැඩසටහනක් ITN හි නරඹන්න පුලුවන් වුනා. Ideators නම් එයත් නැවුම් ආකාරයේ රියැලිටි ෂෝ එකක් ලෙස හදුන්වා දිය හැකියි. අඩුපාඩු කම් නම් නොඅඩුව තිබුනා මේ වැඩසටහන පුරා. ඒ කියන්නේ වැඩසටහන නිෂ්පාදනය අතින්. කෙසේ උනත් මෙය හොද ආරම්භයක්.  බුඩි දිගටම මේ වැඩසටහන නරඹන්න හිතන් ඉන්නේ ඔයාලත් බලන්න.

මොකද මේ වැඩසටහන ගැන කියන්නේ?

පහත් දැක්වෙන්නේ එහි දක්වා තිබූ නිවේදනයයි.

ඉතින් අද දවස ඇතුලත ඔබට කෙතරම් විකිපීඩියාවෙහි අවශ්‍යයයතාවය දැනෙන්නට ඇතිද? මෙම පන්ත් සම්මත වී මෙහි පැවැත්මට තර්ජනයක් ඇති වුවහොත් ඔබ කෙතරම් පාඩුවක් සිදුවේද යන්න සිතාගන්න පුලුවන්නේ . . .

ඇමරිකාව යනු දෙපිටකාටිටු රාජ්‍යයයකි. යුද්ධය මුවාවෙන් අනෙකුත් රටවල තෙල් ඇදීම ඔවුන්ට අනුව හොද දෙයකි. එහිදී ඇති වන යුද්ධ නිසා මැරෙන සාමාන්‍යයය මිනිසුන් ගැන ඔවුන්ට පේන්නේ නැත. එහෙත් අනෙක් රටවල් ගැන ඇත්තේ පුදුම කැක්කුමකි. මෙතෙක් කල් ඔවුන්ගේ දෙපිටකාට්ටු ජඩකම් වලින් පීඩනයට පත්වූයේ අනෙක් රටවල වැසියන්ය. නමුත් දැන් ලගදී ඇමෙරිකාව තුල සම්මත කරගන්නට යන පනත් මගින් ඔවුන්ගේ රටේම වැසියන්ම පීඩනයට පත් විමට යාමක් ගැන මේ දිනවල අන්තර්ජාලය තුල දැඩි කතාබහට ලක්වන මාතෘකාවක් බවට පත් වී ඇත.

Protect IP Act (PIPA) හා The Stop Online Piracy Act (SOPA) ලෙස පනත් දෙකක් මෙමස 24 වනදා සම්මත වීමට නියමිත බවත් එමගින් ඇති ව්න තත්වය නිසා සිදුවන ප්‍රතිපල ගැනත් බියට පත් ඇමෙරිකානු ජනයාම ඊට එරෙහිව හඩ නගමින් සිටිනවා. මේ ගැන් වැඩි විස්තර දැන ගැනීමට පහත් සබැදි භාවිතා කරන්න.

මේ විඩියෝ එක මගින් තවත් දේ දැන ගන්න පුලුවන්.

ඉතින් මේ නිසා මෙමස 18 වනදා අන්තර්ජාලය තුල විරෝධය පෑමක් සිදු කිරීමට මේ සදහා උනන්දු සංවිධාන ක්‍රියා කරගෙන යනවා.

හොදම විහිලුව වෙන්නේ ඇමරිකාව මෙලෙස සම්මත කරගැනීමට යන පනත් නිසා ඇතිවන තත්වයම ඇතිවී තිබෙන චීනය වැනි රටවල් සදහා මෙතරම් කලක් ඔවුන් විරෝධය පාමින් එය නවත් වන ලෙස බල කර සිටීමයි. දැන් ඔවුනුත් ඒ දේම සිදු කිරීමට සැරසෙනවා. ඉතින් මේ සිද්ධිය “ලෝකෙට පරකාසේ ගෙදරට මරගාතේ” හා ටක්කෙටම ගැලපෙනවා නේද?

බූඩිත් වර්ජනේට උදව් කරන්න හිතාගෙන පෝස්ට් එක නැවැත්තුවා. ගිහින් එන්නම් . .

http://americancensorship.org/

http://arstechnica.com/tech-policy/news/2011/10/house-takes-senates-bad-internet-censorship-bill-makes-it-worse.ars

http://americancensorship.org/infographic.html

http://www.feld.com/wp/archives/2011/10/protect-the-internet.html

http://en.wikipedia.org/wiki/Internet_censorship_in_the_United_States#The_Stop_Online_Piracy_Act_.28SOPA.29

ඒ වගේම බ්ලොග් එකේ කමෙන්ට්ස් වලින් 1,2,3 ස්ථාන අරගෙන තියෙන්නේ මෙන්න මේ ගොල්ලෝ,

1. Deeps –  http://deepsgelokaya.blogspot.com/

2. නවම්- http://nawammawatha.wordpress.com/

3. ගෝල්ඩ් ෆිෂ් - http://prasanna86k.wordpress.com/

ඒ වගේම බූඩිගේ තීරුව කියවන්න ආපු, කමෙන්ට් දාපු, නොදාපු සියලු දෙනාට ස්තූතියි !!!

කාලෙකින් මේ බ්ලොග් නම් කියවන්න ලැබුනේ නෑ. පුලු පුලුවන් විදිහට මේ අවුරුද්දෙනම් බ්ලොග් එක පැත්තේ එනවා. පොඩි සැකයක් තියෙන්නේ  කොච්චර පෝස්ට් ගානක් දාන්න පුලුවන් වෙයිද කියන එක. දවෙලාව කියන දේ හැමදේටම හරවෙන කාලයක් මේක.

මම පෝස්ට් වලත් දාලා තියෙන විදිහට මගේ ක්‍රමේට මට අවුරුද්ද පටන් ගන්නේ ජනවාරි වල නෙමේ අගෝස්තුවල, ඉතින් ඒ එක්ක බලද්දි මේ මාස 4 ඉතාමත් හොද විදිහට ගෙවිලා තියෙනවා, ඉතිරි මාස 8 මේ ලැබුවා වූ 2012 වසරේ ඉතා හොදින් ගෙවිලා යයි කියලා බලාපොරොත්තු වෙනවා.  මගේ ජීවිතේ විප්ලවීය වසරක් වෙන්නත් පුලුවන්, ඇත්තටම කිව්වොත් නිකන් කාර්මික විප්ලවයේ ආරම්භය වගේ :D

වෙන වෙන දේවල් වෙන වෙන විදිහට ඕගොල්ලොත් එක්ක බෙදා ගන්න බලාගෙන බූඩි මේ පෝස්ට් එක නවත්තනවා.

ලැබුවා වූ නව වසර සැමට පෝස්ට් හා කමෙන්ට් ඉතිරෙන සුභම සුභ වසරක් වේවා !!!

ඒ වගේම මේ බූඩිගේ සිතුවිල්ල නිසා, බූඩිව කලගුණ නොදන්න අමනයෙක් කියලා හණ්වඩු ගහන්න නම් එපා මේක කියෝලා, ඒත් බූඩි දකින සමාජයේ තවත් තිත්ත පැතිකඩක් මේක.

ලාංකික සමාජ රටාව අනුව ගෙදරක කීදෙනෙක් ඉන්නවද? ආච්චිලා සීයලා, මුනුපුරෝ, මිනිපිරියන් මහ ගොඩයි. හැබැයි ටික කාලෙක ඉදලා වයස්ගත පිරිස වැඩි වෙන්න පටන්ගත්තා ඒ වගේම ලාංකික සමාජ රටාවත් වෙනස් වුනා. කාර්යය බහුල ජීවිත වල හිර වෙන්න හැමෝටම සිද්ධ වුනා ඒ ජීවිතේ කොහොම හරි ගැට ගහගන්න ඕන නිසා. මේ නිසා ජීවිත ගොඩාක් සංකීර්ණ වුනා, විශේෂයෙන්ම මධ්‍යයම පාන්තිකයන් අතර.

දෙමාපියන් කියන්නේ අපේ ජීවිතේ වටිනාම කොටසක් හැබැයි ඒ කෙල්ලෙක් හෝ කොල්ලෙක් කසාද බදිනකම් විතරයි. (මේ කතාව හැමෝටම අදාල නෑ, ඒත් මෙහෙම දේවල් සමාජයේ නැතුවා නොවේ) ඊට පස්සේ ලමයි එකා දෙන්නා හම්බුනාම මෙලෝ එස්පාසුවක් නෑ. ලමයි හදන්නයි, හම්බකරන්නයි ගියාම වෙන දෙයක් දිහා බලන්න වෙලාවක් නෑ. ටික කාලයක් යද්දි මේ දෙමාපියෝ මේ ලමයින්ට කරදරයක් වෙනවා. විශේෂයෙන්ම තත්වය බරපතල වෙන්නේ ඔවුන් ඔත්පල උනාම හරි, ඔවුන් යැපෙන්නන් බවට පත් උනාම (ෆෙන්ෂන් එකක්වත් නැතිනම්). ඔන්න ඔය තලයට එන කොට කොච්චර ආදරයෙන් දෙමාපියන් ගැන හිතාගෙන හිටපු ලමයින්ටත් මේ ගොල්ලෝ කරදරයක් වෙනවා.

මේ සිද්ධිය දිහා බලන කෙනෙකුට තේරෙයි මේක මහ අසික්කිත වැඩක් කියලා ඒත මේ ගැන සංවේදීව හිතුවොත් . . .

හිතන්න පවුලේ සැමිය බිරිද දෙන්නම රැකියාව කරනවා, ඒ වගේ වෙලාවට මව්පියන්ගේ ආවතේව කරන්න ඒගොල්ලන්ට වෙලාවක් නෑ. ඉතින් විශේෂ අවධානයක් ඔවුන් වෙත යොමු වෙන්නේ නෑ. ඒ වගේම ඔවුන් වෙත මාසික යැපීම් ක්‍රමයක් (ෆෙන්ෂන්) නැතිනම් සියලු විය හියදම් දරන්න වෙන්නෙත් අර දෙන්නටමයි. බෙහෙත් වලට යන වියදම සුලු පටු නෑ. ඒ වගේම ලෙඩක් දුකක් (වයසක අයට නිතරම හැදෙන) හැදුනම විශේෂ සැලකීම ලමයින්ගෙන් බලාපොරොත්තු වෙන්න බෑ. මොක්ද ඒ ගොල්ලොත් ජීවත් වෙන්න ලොකු සටනක් කරගෙන යන නිසා.

ඔන්න ඔය තත්ව නිසා ගොඩාක් වෙලාවට ඇතිවෙන ප්‍රශ්න නිසා පිඩා විදින බොහොමයක් දෙනා අද සමාජයේ විරල නෑ.

මේකට විසදුම මොකක්ද?

දෙමාපියන් ලමයින්ව හදන්න නොගන්න වෙහෙසක් නෑ. ධනය කාලය මේ ඔක්කොම වැය කරන්නෙ තමන්ගේ ලමයට. ඒත් නැවත ඔහුගෙන් එය බලාපොරොත්තු වීම සාධාරණ නොවන බවයි බූඩිගේ හැගීම.  ලාංකික සමාජ ක්‍රමය අනුව මේක තරමක් රැඩිකල් කියමනක්, ඒත් ඇත්ත මොකක්ද කියලා තේරුම් ගැනීම ඉතාමත් අවශ්‍යයයි.

අවු. 55 න් හෝ 60න් පස්සේ ජීවත් වෙන්න හැටි ගැන හොද සැලසුමක් සෑම නූනත දෙමාපියෙක්ටම තියෙන්න ඕනේ අන්න ඒ නිසයි. ලමයි මත්තෙම බලාපොරොත්තු තියා ගන්න එක සාධාරණ දෙයක් නෙමේ, බූඩි දකින හැටියට. ඒක නිසා මේ සියල්ල හොදින් අවබෝධ කරගෙන හොද මානසික තත්වයකින් මෙයට මුහුණ දීම සෑම දෙමාපියෙකුගේම යුතුකමක්. දරුවන් සලකනවානම් එය බුක්ති විදිය යුතු උවත් එය ඔවුන්ගෙන් බලාපොරොත්තු වීම සාධාරණ නැහැ. ඒක නිසා මුලු සේසතම ලමයින්ට වියදම් කරන්නේ නැතිව අවසාන කාලය ගෙවාගන්න හොද ක්‍රමයක් සලස ගන්න එක දෙම්පියෝ වෙන්න ඉන්න හා වෙලා ඉන්න හැමෝගෙම යුතුකමක්. නැතිව හැමදේම ලමයට වියදම් කරලා අන්තිමේදී හිත් අමනාප කම් ඇතිකරගන්න එකනම් නුවණක්කාරදෙයක් නෙමේ. ලමයෙක් කියන්නේ තමන්ගේම කොටසක් හැබැයි ඔහු හෝ ඇය පවුලක් ගොඩ නැගුවාම මව්පියන් හා ඔහු, ඇය අතර සම්බන්ධය වෙනස් විය යුතුයි. එය බුද්ධිමත්ව වටහා ගෙන එයට මුහුණ දීමට ශක්තියක් හා මනසක් මව්පියන් හට තිබිය යුතු වෙනවා.

දෙමාපියන් පැත්තෙන් එසේ වුවත් දරුවන්ගේ පැත්තෙන් තිබෙන වගකීමක් තමා දෙමාපියන් හොදින් බලාගන්න එක, ඒක හැකි තරම් ඉටු කරන්න උත්සහා කිරීම කල යුත්තක්. නවීන සමාජය ඉතා කාර්යය බහුල, සමාජ වටිනාකම් වෙන්දේසි වෙන තැනක්, ඒත් හැකිතරම් අපේ කම රැකගැනීම ඉතාමත් වැදගත්. නමුත් සියල්ල දෙස විචක්ෂණශීලීව බලන කෙනෙකුට මේ සියල්ල හොදින් හසුරුවන්න පුලුවන්.

මේ ලිපියේ තියෙන්නේ මේ ප්‍රශ්නය ගැන බූඩි දකින එක පැතිකඩක්. බූඩි ගැන වරදවා වටහා ගන්න එපා වගේම මට පුද්ගලිකව මේක අදාල නැතිබවත් කියන්න ඕනේ. කලබලෙන් මේක ලිව්වේ මේ කතාව පස්සේ තවත් කතා ගොඩක් තියෙන නිසා, ඒ කතා ටික හෙමීට කියන්නම්. එතකම් ගිහින් එන්නම් .

පලි: කාලයක් ලියන්නේ නැතිව ඉදලා ලියන්න ගියාම ලිවවෙන්නේ එකක් හිතේ තියෙන්නේ එකක්, බොහොම අමාරුවෙන් තමා අමුණ ගත්තේ. ඒක සමා වෙන්න ඕනේ. පරණ ස්ටයිල් එකට තව පෝස්ට් 2 කින් 3 කින් එන්න පුලුවන් වෙයි කියලා හිතනවා.

“අලුතින් හදපු වරායේ ගලක් ලු, දැන් මොකද කරන්නේ? කොහොම හරි ඕක විසද ගත්තොත් වැඩේ හරි”
“ඔව්වා අපි මුලින් කිව්වා, මෝඩ වැඩ නිකන් සල්ලි ටික කෑවා, කෝ එක නැවක් ආවද? ඕන ඔට්ටුවක් ඕකට එක නැවක් එන් නෑ, බලමු හරිද? වරාය බම්බුව තමා”

“ගල් අගුරු බලාගාරේ හදන්නලු යන්නේ නේ, දැන්වත් පායන කාලෙට කරන්ට් කපන් නැති වෙයි”
“හොදට හිටී. ගල් අගුරු බලාගාරයක් හැදුවොත්, ඒ පැත්තම ඉවර වෙලා යයි. අනේ මන්දා, ඔව්වා හරියනවද මේ වගේ පොඩි රටකට, බම්බුව තමා”

“හයි වේ එක ඊලග අවුරුදේ ඉවර ඕපන් කරනවලු නේද? පැයෙන් ගාල්ලේ.”
“කව්ද කියන්නේ, කවද ඉදලද ඕක හදන්නේ,  ඕක කවදාවත් හදලා ඉවර කරන්න බෑ, බොරු වැඩ, බම්බුව තමා”

“ලංකාව ආසියාවේ ආශ්චර්යය කරනවා කියන්නේ, මරු නේ”
“අපෝ පිස්සුද? මේ යන විදිහට ගියොත් නිකන්ම ආශ්චර්යය වෙයි, බම්බුව තමා”

රටක් ගොඩ නගන්නට අවශ්‍යයය සල්ලිවත්, තෙල්වත් නෙමේ, එඩිතර සෘජු නායකත්වයයි. කාලෙකට පස්සේ අපිට දැන් නායකයෙක් ලැබිලා තියෙනවා. තවත් බම්බු ගැන කියවන්නේ නැතිව ඒ ගමනට සහාය දෙන්න ආකල්ප වෙනසක් ඇති කරගන්න පුරුදු වෙමු නේද? – බම්බුව තමා . . .

බම්බුව පැත්තකින් තියන්න කාලේ හරි . . .

[දර්ශන උපුටා ගැනීම : http://www.sundayobserver.lk/2009/11/01/fin10.asp]

නොවැම්බර් 18 වනදාට තම දිවියේ 66 වන වියට පා තබන අතිගරු මහින්ද රාජපක්ෂ ජනාධිපතිතුමන් හට බූඩිගේ තීරුවෙන් සුභ පැතුම් . . . .

නිවැරදි, නිවහල්, අභීත තීරණ ගනිමින් අප රට රුදිරු ත්‍රස්තයන්ගෙන් මුදා ගත් අයුරින්ම, රට දියුණුව කරා ගෙනයාමට ඔබේ පලපුරුදු නායකත්වයට හැකියාව ලැබේවායි පතමි.

“A leader is a dealer in hope.”
Napoleon Bonaparte

“Do not follow where the path may lead. 
Go instead where there is no path and leave a trail.”
Harold R. McAlindon

ප්‍රධාන වශයෙන් ගත්තොත් ෆිෂින් සදහා ගොදුරු කරගන්නේ බොහෝ වෙලාවට ඊ-මේල් එකකින්. මීට අමතරව සමාජ ජාල හරහා උනත් මේ අවධානම තියෙනවා. ඒත් ඊ-මේල් හරහා තමා විශේෂයෙන්ම මේ උවදුර පැතිරෙන්නේ.

ව්‍යාජ විධිහට සකස් කරපු ඊ-මේල් එකක් ඕගොල්ලන්ගේ ඊ-මේල් ලිපිනයට එවලා ඒ මගින් දත්ත හොරකම් කරන එක තමා මේගොල්ලන්ගේ උපක්‍රමය වෙන්නේ. මෙන්න මෙහෙම හිතන්න. ඔබ ඊ-බැංකින් භාවිතා කරනවා නම් ඔබේ බැංකුවෙන් වගේ ඊ-මේල් එකක් ඔබට එවන්න පුලුවන්. ඒකේ තියෙන්න පුලුවන් ඔයාගේ ගිණුම අත්හිටවලා තාවකාලිකව, සක්‍රීය කරගන්න මේල් එකේ තියෙන ලින්ක් එකට යන්න කියලා. ඔන්න දැන් ඕගොල්ලෝ ඔය ලින්ක් එක උඩ ක්ලික් කලා කියමු කෝ දැන් ඕගොල්ලෝ යන්නේ අර ඇත්ත බැංකුවේ සයිට් එක වගේ හදපු බොරු සයිට් එකට. ඉතින් ඒකට ගිහිල්ලා මුරපද, භාවිතානාම දුන්නම ඒ ටික මේ ෆිෂින් කරන අය ලබාගන්නවා. ඉතින් ඊට පස්සේ වෙන දේ කියන්න ඕනේ නෑ නේ. අන්න ඒවගේ දේවල් වලට විතරක් නෙමේ, ඔයාගේ ෆේස්බුක්, ටුවිටර් වගේම තවත් ඕනෙම දෙයක රහස් පද ගන්න මේක භාවිතා කරන්න පුලුවන්. ඊට අමතර ඊ-මේල් ලිපිනය භාවිතා වෙන එකක්ද කියලා චෙක් කරන්නත් මේ ක්‍රමේ භාවිතා වෙනවා.

කොහොම හරි ඔබට අපු ඊමේල් එකක ලින්ක් එකක් අඩංගු නම් හා එවෙත පිවිසෙන ලෙස දන්වා ඇති නම් ඒ ගැන ටිකක් විපරම් කරන්න. පහත ක්‍රම වලින් ඔබට පුලුවන් වේවි මේ දේවල් වලින් බේරෙන්න.

1. එවන්නා පරික්ෂාකිරීම

ඊමේල් එක එවලා තියෙන්නේ කව්ද කියලා පරික්ෂා කිරීම මේ සදහා වන ප්‍රථම පියවරයි.

@ ලකුණට පසුව යෙදෙන ඩොමේන් එක විශ්වාසවන්තද යන්න පරික්ෂාකල හැකියි. නමුත් මෙය ඉතාමත් ලෙහෙසියෙන් වෙනස් කල හැකියි එනිසා මෙමගින් පමණක් සෑහීමකට පත් වීම සුදුසු නෑ.

mention-opxheren=tznvy.pbz-3a13c@postmaster.twitter.com සමහර විට එම ලිපිනය මෙහි දැක්වෙන ලිපිනය වගේ වෙන්න පුලුවන්. මෙය ටුවිටර් මගින් එවන ලද මේල් එකක අඩංගු වූ ලිපිනයක්.

ඒ වගේම අමුතුම වර්ගයේ ලිපිනවලින් එය ලැබෙන්නත් පුලුවන්. උදාහරණයක් ලෙස ටුවිටර් සේවාවෙන් ලැබෙන සේ ඊමේලයක් පහත ලිපිනයෙන් ලැබුනහොත් එයනම් අනිවාර්යයෙන්ම උගුලක්. මේ තියෙන්නේ එහෙම ආපු ලිපිනයක්  notification+ieppglfz@faoebook.com, නොමග යවන්න facebook.com වගේ පෙනෙන ලිපිනයක් යොදාගෙන ඇති අන්දම.

2. මීලගට ඇත්ත ලිපිනයක් වගේ පෙනුනට සමහර විට බොරුවක් වෙන්න පුලුවන් ඒ නිසා මේ ක්‍රමයත් කරලා බලන්න පුලුවන්. මේල් එකේ අඩංගුවෙන ලින්ක් එක පර්ක්ෂාකරන්න. හුගාක් වෙලාවට පෙනෙන්න තියෙන ලින්ක් එකට නෙමේ වෙන ලින්ක් එකකට තමා යන්නේ.

ඉහත රූපයෙන් පෙනෙන්නේ ඒ වගේ දෙයක්. මේ මත ක්ලික් කල විට අදාල අඩවියට නොගොස් වෙනත් හොර අඩවියකටයි පිවිසෙන්නේ. මෙය බලා ගන්න ලේසිම දේ තමා එම ලින්ක් එක උඩට මවුස් පොයින්ටර් එක ගෙන යන එක. එතකොට එහි ලින්ක් එක පහත පෙන්නනවා. එහෙම නැතිනම් එමත රයිට් ක්ලික් කරලා Copy Link Location තෝරා එය ඇඩ්‍රස් බාර් එක මත Paste කිරීමේන් ඇත්ත නැත්ත බලා ගන්න පුලුවන්.

3. මීලගට තියෙන්නේ ටිකක් තාක්ෂණික ක්‍රමයක්.

සමහර විට ඕගොල්ලන්ට ලැබිලා ඇති ඇත්තටම වැදගත් කියලා හිතෙන මේල්, ඒත් සමහර විට වැදගත් කියලා පෙනෙන එහෙත් හොර මේල්. ඉතින් මේ දෙක වෙන් කරලා අදුන ගන්න තමා මේ ක්‍රමය යොදා ගන්න පුලුවන්. මේ මේල් වලත් විශේෂත්වය වෙන්නේ අදාල ලින්ක් එකක් තිබීමයි. ඉස්සර ක්‍රමේ වගේම මෙම මේල් වලත් තියෙන ලින්ක් එකට නෙමේ ගොඩක් වෙලාවට පිවිසෙන්නේ. උදාහරණයල් ලෙසට www.cashback.com ලෙස ලින්ක් එක පේන්න තිබුනත් එමත ක්ලික් කල විට පිවිසෙන්නේ www.cashback.com/hbxkqy ලිපිනයටයි.

බැලූ බැල්මටම මෙහි කිසිම වරදක් නැති උනත් මේ ලිපිනයට පිවිසි විට එම අඩ්විය මගින් ඔබේ ලිපිනය අදුනා ගෙන ඔබේ ඊමේල් ලිපිනය සක්‍රීය එකක් ලෙසට හදුනා ගන්නවා. මොකද hbxkqy ලෙස ඇත්තේ ඔබේ ඊමේල් ලිපිනය හදුනා ගැනීමටයි. එනිසා මේ සදහා කල හැක්කේ පලමුව www.cashback.com ලිපිනයට පිවිසීමයි. වෙබ් අඩ්විය පිලිබද සැකයක් නැතිනම්  www.cashback.com/hbxkqy ලිපිනයට පිවිස බැලිය හැක.  එහෙත් වෙබ් අඩවියක් පිටින් බලා හදුනා ගැනීමට තරම් ලෙහෙසි නැත. එනිසා නොදන්න අඩ්වි වලට මෙවැනි වෙබ් ලිපින මගින් ඇතුලු වීම හැකි තාක් අඩු කිරීම නුවණට හුරුය.

ඔබට එයට පිවිසීමටම අවශ්‍යයය නම් ඉහත ක්‍රම අනුගමනය කොට බැලිය හැක.

මක්නිසාද යත් මෙය නිර්ව්‍යාජ වෙබ් අඩ්වියක් නම් www.cashback.com/hbxkqy වැනි ලිපින අන්තර්ගත සදහා භාවිතා කරන්නේ නැත. www.cashback.com/faq.php වැනි අර්තවත් ලිපින භාවිතා කරයි.

සමහරක් විට මෙම අගයයන් වෙනස් කොට ලැබෙන අන්තර්ගතයේ වෙනසක් ඇත්දැයි ඔබටම පරික්ෂාකොට බැලිය හැක.

4. තවත් ප්‍රකට ක්‍රමයක් වන්නේ, ඊමේල් එක තුල ඉමේජ් එකක් ඇතුල් කොට එවීමයි. එවිට එය විවෘත කල විට ස්වයංක්‍රීයවම ඔබේ ඊමේලි ලිපිනය සක්‍රීය බව දැන්ගත හැක. මේ සදහා කල හැක්කේ ඉමේජ දිස්නොවන ලෙස අදාල මේල් ක්ලයන්ට් එකෙහි සැකසුම් සැකසීමයි.

ඉතින් මෙම ක්‍රම භාවිතා කරමින් ඔබේ ඊමේල් ලිපිනය ආරක්ෂාකර ගන්න වග බලා ගන්න.

ඇපැල් මාමා මිය ගියේ ඔක්. 5 වැනිදාය. අද ඔක්. 7 වැනිදාය. මා එය දැන ගත්තේ ඔක්. 6 වැනිදාය.

ඇපල් මාමා ගැන මා සොයන්නට පටන් ගත්තේ මා සාමාන්‍යයය පෙල කරන කාලේය, ඒ කාලේ ඇපල් මාමා ස්ටැෆර්ඩ් දේශනය සිදු කොට තිබුනේ නැත. නමුත් ඔහු ගැන එක එක කතා පැතිර තිබුනා. එදවස පටන් මා ඔහු අනුගමනය කිරීමට පෙලබුනු බව කිවයුතුමයි. ඔහුගේ උත්සහාය හා නිර්මාණශීලීත්වය බූඩිහේ සිත් ගත්තා කිව්වොත් නිවැරදියි.

ස්ටැෆ්‍ර්ඩ් කතාව බූඩි කියෙව්වේ විදුසර පත්තරයෙනි. මේ වන විට මා එය කියවා ඇති වාර ගණන අපමණයි. මා පරාජිතයෙකු යැයි හැගෙන බොහෝ විටෙක මා එය කියවා සිත ශක්තිමත් කර ගනී (මීට අමතරව තවත් කතා ගොඩක් තිබෙනවා). ඇපල් මාමාගේ කතාව මෙතැනින් බැලිය හැක.

ඇපල් මාමා වීරයෙකි, බූඩිට නම් ඔහු වීරයෙකි. ඉගෙන ගැනීමට පාඩම් බොහොමයක් ඉතිරි කොට ඇපල් මාමා අප දමා ගොස් ඇත.

මා ජීවිත කාලය පුරාවට කිසිදු ඇපල් භාණ්ඩයක් භාවිතා කොට නැත. එනම් මිලදීහෙන නැත. ඒ මා පුද්ගලිකව ඒවාට කැමති නැති නිසාය. නමුත් බොහෝ දෙනා මේ වන විටත් ඇපල් භාවිතා කරන බව නොරහසකි. අයි පෑඩ් එකක් ගන්න සිහින මැවූ මගේ මිතුරෙක් ලගදී එය ඉටු කර ගත්තේ ද, මැක් එයර් පෙන්නමින් සෙවල හලන සහෝදරයෙක්ද, මම පාවිච්චි කරන්නේ ඇපල් විතරයි කියන බොහෝ දෙනෙක්ද ඇපල් මාමා අපට ඉතිරි කර දමා ගොස් ඇත. ඔවුන් කෙතරම් ඇපල් වලට වහ වැටී ඇත්ද එමගින් පෙනී යයි. එනම් ඒ ඇපල් මාමා බිහි කල ඒ නිෂ්පාදන වටිනාකම පෙන්වන දර්ශකයකි.

එපමණක් නොව ඇපල් මාමා තවත් කණ්ඩායමක් බිහි කොට ඇති බව අද facebook වෙත ගිය විට නිසැකවම පසක් වනු ඇත. ප්‍රෝෆයිල් පික්චර්ස් වෙනස් කරමින්, වීඩියෝ වලින් වෝල් පුරවමින්, ස්ටේටස් උප්ඩේට් කරමින් පිස්සු නටන අපතයින් රැලක් ඇපල් මාමා නිසා බිහි වී ඇත. (අපතයින් යනු ආතක් පාතක් නැති පිරිසකි.) ඔවුන් එසේ කරන්නේ ඇපල්, ඔවුන්ගේ එතරම් ජීවිතයට සමීප නිසා විය යුතුය. එක අතකට ඔවුන්ගේ බුකියේ කැමති දෙයක් දාගැනීම ඔවුන්ගේ අයිතියකි. එහෙත් එය අපේ වෝල් වලද පෙන්වන එක නම් කරදරයකි. මෙසේ වැලපීමට තරම්ම ඇපල් මාමා ඔවුන්ට සමීප ද යන්න තවත් ප්‍රශ්නයකි.

බූඩි මේ නිවුස් එක දැන් ගත්තේ තනුජගෙන්ය, නැත්නම් තවමත් නොදන්නවා විය හැකිය. බුකියට යෑමට වෙලාව නැති නිසාය. මේ දවස වල ප්‍රොජෙක්ට් වැඩ නිසා ජීවිතය අවුල් වී ඇති සැටියකි. ලිදේ සිටින මැඩියාට සමානය.

ශෝකය පල කිරීමට බුකියේ ස්ටේටස් එකක් දැමිය යුතු යැයි සිතුනු නිසාම ඒ සදහා සිත යොමු විය. මා ඇපල් භාවිතා කොට නැති නම් ඇයි මම ස්ටේටස් එකක් දැමිය යුත්තේ යන ප්‍රශ්නය මා සිතට පැමිනියේය. නැත මා ඔහුට ප්‍රිය කලෙමි. ඔහුගේ අනුගාමිකයෙකි. එනිසා එය කල යුතුය. මෑතකදී ජෝ මාමා අපෙන් සමු ගත් විට මා ශෝකය පල කලේ නැත. කේ. ජයතිලක, තවත් වීරයෙකි, මා කිසිවක් කලේ නැත. එසේ නම් ඇපල් මාමාට ??? මා අදහස අත්හැර ගත්තේය.

බූඩිට වීරයන් රැසක් ඇත. ලංකාව තුලද ඉන් පිටතද වීරයන් එකසේ වේ. එලෙසම අනුගමනය කරන අයද වේ, එනම් රෝල් මොඩල් ලෙස හදුන්වන්නන්ය. ඇපල් මාමා ඉන් අයෙකි. ඔහුගේ ලාංකික මොඩලය වන්නේ සන්නස්ගලය, මාගේ අදහස එයයි. සන්නස්ගල ගැන මා දැන ගත්තේ ඇපල් මාමා ගැන දැන ගන්නා කාලයේ සිටමය. ඔහු මාගේ ප්‍රියතම චරිතයක් බවට පත් වන්නේ හර්දයාබාධයෙන් පසුවය. කෙසේවුවද දෙදෙනාම 0 සිට දියුණු වූවන් නිසා දෙදෙනාගේම සමානකම වන නොපසු බට උත්සහාය ඉතාමත් සිත්ගන්නා සුලු වේ. සන්නස්ගල මට වටින්නේ ඔහු ලාංකිකයෙකු නිසාය.

අපි කෙතරම් කුහකද? කිසිදා දැක නැති ඇපල් මාමා නිසා අපි වෝල් පුරවමු. බුකිය ජරා කරමු. එහෙත් අපේම මිනිසුන් අපි ශතයට මායිම් නොකර සිටී. ජාතියක් වශයෙන් අපි සිටින්නේ කොතැනද? ඇපල් මාමා ජාතික වීරයෙක් විය යුතුය, ඒ ඇමෙරිකාවටය, අපට නොවේ. ඔහු මිනිසුන් කීයකගේ බඩ කට පුරවන්නේද? ඔබමාට බදු ගෙවා තවත් රටකට කෙලින්න උදව් පදව් කරන්නේද? එනිසා ඔහු වීරයෙකි. සල්ලි පසු පස හබා ගිය ඔහු ඕපන් සෝස් වෙත කල ඇත්තේ කුමක්ද? ප්‍රශ්න රැසකි.

ඇපල් මාමාට දුක් වෙන හැත්ත නවලෝක මුදලාලි නැතුවුන වෙලාවේ බුකියේ වැලපුනේ නැත. ඒ නවලෝක මුදලාලි ලංකා රජය බදු ගෙවූ නිසාය. අපේ බඩ කටවල් පුරෝපු නිසාද? ලංකාවේ මිනිස්සුන්ට කන්න බොන්න දුන් නිසාද? ඇපල් මාමා ගැන කියෝපු කීදෙනෙක් නවලෝක මුදලාලි ගැන කියවලා තියෙනවාද? “නව ලොවට පෑයූ හිරු” කියෝපු කීදෙනෙක් ඉන්නවද? ඇපල් මාමාට වඩා නවලෝක මුදලාලි අවතක්සේරුවන්නේ කෙසේද මා නොදනී. බුකියේ න්‍යායයට අනුව නවලෝක මුදලාලි අප හැරදමා ගිය විට මා බුකියට ලින්ක් එකක් හා ස්ටේට් එකක් දැම්මේය. නමුත් ඇපල් මාමාට ඒ කිසිවක් කලේ නැත.

බූඩි නම් ඇපල් මාමාට වඩා නවලෝක මුදලාලිට හදවතින්ම ගරු කරන්නේ ඔහු ලාංකිකයෙක් නිසාය. කොටින්ම කියන්වා නම් අපේ කෙනෙක් නිසාය. බූඩිට අපේ කම වටින්නේ අන් කිසිම දෙයකටත් වඩා ශක්තිමත් දෙය අපේ කම නිසාය.

ඇපල් මාමා වීරයෙකි, එහි කතා දෙකක් නැත. ඔහුගෙන් ඉගෙන ගත යුතු පාඩම් රැසකි. එහෙත් එලෙසම අපේ රටේ වීරයන් ද රැසකි. අපේ රටේ වීරයන් අපිට වටින බවත් ඉන් පසු අනෙකුත් පිරිස වන බවත් බුකියේ පිස්සු නටන හැත්ත සිහිතබා ගත යුතුය. අභිමානවත් ජාතියක් ලෙස නැගී සිටිය හැක්කේ එවිටය.