වැසී තිබූ මුට්ටි හදයාගේ කට ඇමති විමල් අරී

Posted on 2010 ජූලි 11

10


දැන් ලොකුම ප්‍රශ්නයක් වී ඇත්තේ විමල් ලෙමන් පෆ් කෑවද නැද්ද යන්නයි. සමහරුන්ට මෙය විහිලුවකි. විමල් ලෙමන් පෆ් කකා හෝ දවසක්, දෙකක්, තුනක් සිටියේය. ඒ අර මුට්ටි හදයාට විරෝධය පෑමටය. ඔච්චර අමාරුවෙන් හොයන්න යන ලෙමන් පෆ් කතාව ලියන අය අඩුම තරමින් විරෝධය පල කරමින් එක බ්ලොග් පෝස්ට් එකක් හෝ ලිව්වද?

ඒ පිංතූරයේ පොඩියට තියෙන ඔය කෑල්ල අල්ලන් දගලන උන්ට ඇයි දෙයියනේ අර බිම නිදාගෙන ඉන්න, ඒ රූපේ හොදටම පේන විමල් ගැන හොද වචනයක් පිටවෙන් නැත්තේ. “මේ යකානම් මාර පොර ලෙමන් පෆ් කකා හරි දවස් තුනක් හිටියනේ”, “පිස්සුද, එයා ලෙමන් පෆ් කෑවනම් ඒක ඔහොම අහු වෙන්න කරයි ද?” , “හරි ලෙමන් පෆ් කෑවමයි කියමුකෝ ඒත් වතුර බිව්වේ නෑනේ” ඇයි මේ වගේ දෙයක් කටින් පිට වෙන් නැත්තේ. ඇයි හත් දෙයියන් මෙච්චර උබලා කුහක වෙන්නේ. ඇයි අපේම ජාතියෙ උන්ට මෙහෙම කරන්නේ. අඩුම තරමේ විමල් වැටිලා ඉන්නේ අපිට කොකා පෙන්නන්න ආපු හදයට පාඩමක් උගන්නන් නේද කියලා වත් විමල් ගැන දුකක් හිතෙන් නැද්ද?

pic 1

අනේ සිහලුනේ මේ පක්ෂ බේද ගැන සොයන වෙලාවක් නොවේ. විමල්ගේ කැරුවාව පැත්තකින් තබා අඩුම තරමින් ඔහු කල ක්‍රියාව ගැන පැහැදීමක් නැතිනම් කටවහන් ඉන්න, මුකුත් නොලියා ඉන්න. විමල් මෙය සිදු කරන්නේ ඇත්තටමද, කඩේ යෑමක්ද, ලකුණු දාගන්නද, කෑම කකාද, මෙවැනි දෑ සෙවීම ෆන් එකක් වන්නේ ඇයි දැයි මා නොදනිමි. කරුණාකර මෙවැනි දෑ වලින් වැලකී ඉන්න. රට හෑල්ලු කරන්න එපා.

මොනවා උනත් විමල් ගේ ක්‍රියාව නිසා හදයා බය වුනා. කොන්ගෝවේ ඉදන් කටවහන් හිටපු හදයා කට ඇරියේ ඒකයි. බය වෙලා නෙමේ නම් අරක මේක ප්‍රතික්ෂේප කරමින් ප්‍රකාශ නිකුත් කලේ ඇයි. මොනා වුනත් මේක සටහන් වෙන්නේ ලංකා ඇමතිවරයෙක් හදයාට විරුද්ධව කල මාරාන්තික උපවාසයක් හැටියට. ඉතින් ඒක ලොකු දෙයක් නොවේද? ඇත්තටම අපේ සමහරුන්ට තේරෙන් නැති වුනාට ඒකේ ලොකු හයියක් තියෙනවා.

හුගක් අය කියන්නේ මේ ප්‍රශ්නය රාජ තාන්ත්‍රිකව විසද ගන්න ඕනෙ කියලා. ඉතින් කිව්වත් නැතත්මේ මේක විසදෙන්නේ එහෙම තමා. ඒත් අපි හොද පණිවිඩයක් දුන්නා ලෝකෙට. මේ වගේ නොවැදගත් කොමිටියකට මේ වගේ ප්‍රතිරෝදයක් දක්වනවානම් හරියට වැඩේ කලොත් කොහොම වෙයිද කියලා හදයට දැන් දෙපාරක් හිතන්න වෙනවා. ඒක ඉතාමත් වැදගත් මතයක්. අපි නපුංසකයන් නොවේ, වෙන ඕන දෙයක් කට ඇරන් බලන් ඉන්නෑ කියන පණිවිඩේ අපි ලෝකෙටම දීලා තියෙනවා. කියන කියන දෙයට අපි නටනවා කියලා හිතන් හිටපු අදහස අපිට වෙනස් කරන්න පුලුවන් වුනා. ඒකයි වැදගත්. ඉතින් ඒ ආකල්පය දෙන්න පුලුවන් වුනානම් ඒක ලෙමන් පෆ් නෙමේ කුකුල් මස් කකා කලත් කම් නෑ.

මොනා වුනත් විමල් වැඩක් කලා. අපිට විමල් පොරක්. ඒ කෙන් අදහස් වෙන්නේ නෑ අපි ඔහුට චන්දෙදි සහය දෙනවවත් ඔහුගේ මතයත් එක්ක ඉන්නවා කියලා. මේ වෙලාවෙ විමල් කරපු දේ වීර කමක්.

බූඩි හිතන්නේ එහෙමයි, ඔයලා මොකද කියන්නේ . .. .

Advertisements