දුරකතන ගාස්තු නගී, II වන කොටස

මේ ලිපිය කලින් ලියන ලද දුරකතන ගාස්තු නගී, අවම මිල රු. 2 යි යන ලිපියෙහි දෙවන කොටස වේ. පලමු ලිපිය කිවෙවේ නැත්නම් ඉහත සබැදුමට පිවිසෙන්න.

ඔන්න හෙට එනම් ජුලි 15 ඉදලා ඩයලොග් හා මොබිටෙල් මගින් පිලිවෙලින් බ්ලාස්ටර් හා උපහාර යන පැකේජ ලබා දීම හා අක්‍රීය පැකේජ නැවත සක්‍රීය කිරීම නවත්වලා තියෙනවා. මේ පිලිබද ආයතන දෙකම ප්‍රසිද්ධ ප්‍රකාශ මේ වන විට නිකුත් කොට අවසන්.

ගියවර ලිපියට ප්‍රතිචාරයක් ලෙස දුරකතන නියාමන කොමිසමේ ක්‍රියාව පාරිබෝගිකයන්ට සිදුවන අයහපතක් බව ඇතමුන් කියා සිටියා. මේ පිලිදව පොඩි පැහැදිලි කිරීමක් කරන්න ඕනේ. සමහරු ඉතින් රජයටත් බනින්න ගත්තා.

pic 1

දුරකතන නියාමන කොමිසම විසින් අවම ගාස්තුව රු. 2 ක් වැනි මට්ටමක පවත්වාගන්න ක්‍රියාකරන ලද්දේ පවතින පාඩු ලබන තත්වයෙන් මේ සමාගම් මුදවා ගන්නටයි. ඉතින් පාරිබෝගිකයා ආරක්ෂාකිරීමට ඇති ආයතනයක් මෙලෙස සමාගම් ආරක්ෂාකරන්නේ ඇයි දැයි සමහරු ප්‍රශ්න නගනවා.

දුරකතන නියාමන කොමිසම පිහිටවා ඇත්තේ විදුලි සංදේශ කටයුතු නියාමන කිරීමට වන අතර පාරිභෝගිකයා ආරක්ෂා කිරීමට නොවේ. එහෙත් පාරිඟෝගික පැමිනිලි සම්බන්ධයෙන් ඔවුන් කටයුතු කරනවා. මෙහිදී දුරකතන නියාමන කොමිසම සතු වගකීමක් තමා විදුලි සංදේශ සේවා ලබා දෙන සමාගම් රැක ගනිමින් සේවා වන්හී තත්වය හා කල්පැවැත්වම තහවුරු කිරීම.

ඉතින් මෙලෙස පාඩු ලබන තත්වයක් මත දුරකතන නියාමන කොමිසමට සිදු වෙනවා යම් සහනයක් සමාගම් වෙත ලබා දීමට. නැතිනම් මෙලෙස දිගටම පාදු විදිමින් ගියහොත් ඉදිරියේදී සමාගම් වැසී යාමට පවා සිදු වෙනවා. ට්ගෝ සමාගම විකුණනු ලැබුවේ මෙහි එක් අවස්තාවක් ලෙසයි. ලංකාවේ සිටින ග්‍රාහක ප්‍රමාණයට සරිලන ලෙස ජංගම දුරකතන සමාගම් 5 ක් හා ස්ථාවර දුරකතන සම්බන්ධතා ලබාදෙන සමාගම් 4 ක් පවතිනවා. ඉතින් මොවුන් අතර වූ තරගය නිසා දිගින් දිගටම ගාස්තු අඩු කලා. මේවා කෙටි කාලීන තීරණ ලෙස තමා කිරයාත්මක කලේ පවතින තරගයට මුහුණ දීමට. මෙනිසා සමාගම් සියල්ලම පාහේ දැවැන්ත ලෙස පාඩු ලැබුවා. මේ තත්වය පැවතුනහොත් සමාගම් වැසී යාමට පවා ලක්විය හැකි යන තත්වය තේරුම් ගත් දුරකතන නියාමන කොමිසම මේ තීරනය ගෙන තිබෙනවා.

ඇත්තමටම දුරකතන සමාගම් විශාල පාඩුවක් ලැබූ බව සේවක වැටුප් හා සේවක කපා හැරීම් මගින් පෙනෙනවා. ගණන් මිමි අනුව එය රුපියල් කෝටි 3600 ක්. දුරකතන සමාගමක අනුග්‍රහය ලැබූ බූඩීටත් ලැබුනේ හොද අනුග්‍රහයක් නොවේ. ඒ ගිය වසරේ.

සමාගම් වල පැවැත්ම නැතිවී ගියහොත් වක්‍රව එයින් කරදරයට පත් වනුයේ පාරිභෝගිකයාමයි. එවිට තරගය අඩුවී දුරකතන ගාස්තු වැඩි වීමට පුලුවන්. මෙනිසා ටික කලකට මෙලෙස දුරක්තන ගාස්තු නියාමනයක් අවශයයි.

එයා ටෙල් සමාගම මෙරටට පැමිණිමට ඉඩ නොදුන්නා නම් මේ ප්‍රශ්නය මෙතරම් උග්‍ර නොවෙන්න තිබුනා. බූඩී දරන්නේ එවැනි මතයක්. මේ ගැන ඉදිරියට ලියන්නම්.

මෙම නව ගාස්තු බලපාන්නේ නව සබදතා සදහා වන අතර ජංගම හා ස්ථාවර දුරකතන සදහා අදාල වෙනවා.

Advertisements

7 comments

  1. මට ඔබ කියන දෙය හොඳින් වැටහෙනවා…
    නමුත් මගේ අත්දැකීම් අනුව කියන්න පුලුවන් , ඔය මොන බයිලෙ ගැහුවත්.. අන්තිමට කෙලවෙන්නෙ පාරිභෝගිකයින් වන අපට යි කියලා…..

  2. Aඑත්ත්ටම උනේ airtel එක එනවා කියන ආරන්ච්චියට හැමෝම තමන්ගෙ connections ‍රැක ගන්න outgoing Free packages දුන්නා. මුලින්ම පටන් ගත්ත්ටෙත් mobitel අයමනේ.
    ඉතින් dialog එකත් ඒ පාරෙම ගියා. අන්තිමට airtel එනකොට වැඩැක් නෑ. කවුරුත් පෝලිමේ ඉඳලා sim ගත්තට ඒව පාවිච්චි කරන්නේ නෑ.
    දැන් තමයි තේරිල තියෙන්නේ. අන්තිමට පරන් package වලත් වෙනස් කරයිද දන්නෙ නෑ.

  3. දන්න් නිසා කියන්න හිතුනා. එයාර්ටෙල් වලට පාර දෙන්න හදපු පැකේජ් මොබිටෙල් එකවත් ඩයලොග් එකවත් එළියට දැම්මෙ නෑ.ඒවා ලොකු ගානක් වියදම් කරලා ලෑස්ති කරගෙන හිටියා ඕනෙ වුනොත් එළියට දාන්න.ඒත් මාසයක් යනකොටම තේරුනා එයාර්ටෙල් ලගෙ තත්වය.මොබයිල් මාර්කට් එක ලඟදි කෑවෙ ටීගෝලා.ඒ තත්පරේට චාර්ජ් කරන්න පටං අරගෙන.ඊට පස්සෙ ඩයලොග් ගොං කමට ඒකම කළා. ඒ අස්සේ එක එක්කෙනාගෙ දේශපාලන ලකුණු දාගන්න උපහාර දැම්මා.ඒක දිගට යනකොට ටෙලිකොම් එකේ ලෑන්ඩ් ලයින් වලට කෙළවිලා ටෙලිකොම් එකට කෙළවෙන වග තැකුවේ නෑ.උගුරට හොරා බේත් බිවුවා.ටෙලිකොම් එක කෙළවේගෙන යනවා.මොකද මොබිටෙල් එළිය බලන්නෙ ටෙලිකොම් පානෙංනෙ.ඩයලොග්ට කෙළවෙන හින්දා දඩ බඩ ගාලා බ්ලාස්ටර් දැම්මා.උපහාර දාලා ටික කාලෙකිංම බ්ලාස්ටර් දාගන්න පුළුවං වුනා කියන්නේ මේක යටින් හද හද හිටියා වෙන්න ඕනෙ.නැත්තං ජාමෙ බේර ගන්න ඩෝං ගාලා දාන්න බෑ.උපහාර ඉස්සර වුනා.ඩයලොග් ජාමෙ බේරගත්තා.ටීගෝට කෙළවුනා.ඔය ඉංදියන් කාරයංගෙ පම්පෝරි වල තාර බර ඇරියම මුකුත් නෑ වගේ තමා එයාර්ටෙලුත්.උංගෙ තියෙන්නෙ මොකක් හරි හැංගුන සීන් එකක්.එක්කො ඉන්දියාවෙ ට්‍රැෆික් මෙහෙං යවයි වගේ ප්ලෑනක් වෙන්න ඕනෙ.ආණ්ඩුව එරෙන කොට ඔය කාගෙ කාගෙ හරි පිටිං දාලා කීයක් හරි හොයා ගන්න කරන වැඩ තමා මේවා.මිනිස්සු කොම්පැණි වලට බනී.අර ගෝල්ඩන් කී කාරයොයි සක්විතියයි කෙළවනකං මහ බැංකුව නිකන් බලා හිටියා වගේ මෙච්චර මාර්කට් එකට කෙළවෙනකං ටී ආර් සී එක කොහෙද හිටියේ.අවුරුද්දක් දෙකක්වත් ඉදිරිය පේන්නෙ නැති මිනිස්සුන්ටද අපි උගත්තු බුද්ධිමත්තු කියලා මේවා බාර දීලා තියෙන්නෙ.අන්තිමටම ඉතිං හන්දියේ කඩේ බඩ මහත මුදලාලිව තමා මගුල් ඇතාට කියලා පාගවන්න වෙන්නෙ.එතකොට මගුල් ඇතාට රිදෙන්නෙත් නෑනෙ.

  4. එකාතකින් මේ කරන දේ සාධාරනයි කියන්නත් පුළුවන්, නමුත් පාර්භෝගිකයාටත් මේකෙන් පාඩුවක් වෙන්න පුළුවන්.
    නමුත් තරඟය නිසා හැමෝම සවුත්තු වෙන එක (නෙට්වර්ක් වල තත්වය) මේකෙන් ටිකක් හරි අඩු කරන්න පුළුවන් නම් හොඳයි. දැනට තියෙන තරඟය එක්ක හැමෝම ගාස්තු අඩු කරන්න ගිහිල්ල හුඟක්ම නෙට්වර්ක්ස් overload වෙලයි තියෙන්නෙ. 😦

මෙම ලිපියට ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න /  වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න /  වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න /  වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න /  වෙනස් කරන්න )

w