FOSS User අඩපණ කිරීමට ගත් අසාර්ථක තැතක්

සැප්තැම්බර් මස 08 වනදා රාත්‍රියේ FOSS User සගරා (http://fossuser.lk) වෙබ් අඩවිය වෙත හැකර් ප්‍රහාරයක් එල්ල වීම තරයේ හෙලා දැකීම සදහා සහ මෙම සිද්ධිය පිලිබද ප්‍රජාව දැනුවත් කිරීමට මෙම ලිපිය පල කරන ලදී. කරුණාකර මෙවැනි ප්‍රහාර හෙලා දැකීමට සහාය දක්වන්න.

සැප්තැම්බර් මස 08 වනදා රාත්‍රියේ FOSS User සගරා වෙබ් අඩවිය වෙත හැකර් ප්‍රහාරයක් එල්ල විය. වෙබ් අඩවියේ ප්‍රධාන පිටුව වෙනස් කිරීමකට භාජනය කොට තිබූ අතර වෙබ් අඩවිය ප්‍රකෘති තත්වයට ගැනීමට මේ වන තෙක් (2010 සැප් 09, 09.30 IST) හැකියාවක් ලැබී නොමැත. එනමුත් http://fossuser.lk/en මගින් වෙබ් අඩවිය ප්‍රවේශ කරවිය හැක. fossuser.lk එලිදැක්වීමට පෙර භාවිතා කල fossuser.com ලිපිනයද තවමත් සක්‍රීයව පවතී.

පික් 1

කාලයක් මුලුල්ලේ එල්ල වු ප්‍රහාර ගණනාවත් වලකා ගැනීමට හැකියාවක් ලැබුනද සිදුවූ දීර්ඟතම අඩපණවීම මෙම ප්‍රහාරය මගින් සිදුවූ බව පිලිගත හැක.

FOSS User හි facebook පිටුවටද spam ගණනාවක් පසු කාලය තුල එල්ල විය. ඒ අනුව පෝස්ට් පල කිරිම පිලිබද වැඩි අවධානයක් යොමු කරමින් එම ප්‍රහාර වලකා ගැනීම හැකි විය. වෙබ් අඩවිය හා email සදහා spam ප්‍රහාරද අවම කර ගැනීම සදහා වැඩ පිලිවෙලවල් කිහිපයක් සිදු කරමින් පවතින අතරතුර මෙම ප්‍රහාර එල්ල විය. එහෙත් එමගින් මුලු අඩවියම අඩපණ කිරීමට අවස්තාවක් නොවීය. නමුත් මේ වනවිට සියලුම ගිනුම් අඩපණ වී ඇත. FOSS User සගරාව මුලුන් භාවිතා කල fossuser.com සදහා වූ ලිපිනද තවමත් ක්‍රියාත්මකව පවතින අතර දිනෙන් දින ඒ වෙත විශාල spam ප්‍රමාණයක් ලැබෙමින් පවතී.

මෙමස 15 වනදා FOSS User සගරාවේ මීලග කලාපය නිකුතු කිරීමට කටයුතු යොදා ඇති මොහොතක සිදුවූ මෙම ප්‍රහාරයේ ප්‍රධාන අරමුණ එම නිකුතුව කඩාකප්පල් කිරීමද යන්න සැක සහිත වේ. හැකි ඉක්මනින් වෙබ් අඩවිය යතා තත්වයට ගෙන ඒමට සියලු කටයුතු සිදු කරමින් පවතී. FOSS අනාගතය වෙනුවෙන් ඉතා විශාල කැප කිරීම් කරමින් සිදුකරන මෙහෙවර කඩාකප්පල් කිරීමට මෙම දරණ උත්සහයන් ඉතා පිලිකුලෙන් අප හෙලා දකින අතර මෙම ක්‍රියාවලිය ශක්තිමත් කිරීමට එක් වන ලෙස FOSS සදහා ආදරය කරන සැමගෙන් ඉල්ලා සිටිනවා.

FOSS User Magazine හි ප්‍රධාන කතෘ

Advertisements

13 comments

  1. මට හිතාගන්න බැරි මේ වගේ රටට වැඩදායි දෙයක් කරන්න යද්දි ඇයි අපේ සමහර මිනිස්සුන්ට මේක දිරවන්නේ නැත්තේ කියලා. ඇත්තටම මේ වගේ පහත් වැඩ කරන්නේ මානසික අසහන කාරයෝ.
    සයිට් එක හැක් කරලා මේ යන ගමන නවත්තනවා කියන එකනම් උන්ට හීනයක්, මොකද මොන බාධක ආවත් මේ වැඩේ අතරමග දාලා දුවන කට්ටියක් නෙමේ අපිට ඉන්නේ.

  2. මේව තරයේම හෙලා දකින්න ඕන පහත් වැඩ. මේ නඩයට මොන වාසියක් ලැබෙනවද කියල හිතාගන්න බෑ මේවගේ වැඩ වලින්.

    මේ image එක host කරල තියෙන්නෙ http://indianwithguts.blogspot.com ට අයත් blogger account එකක. සමහර විට වෙන කෙනෙක් මේ image එක හොරකම් කරල දැම්මා වෙන්නත් පුලුවන් හරියටම කියන්න බෑ.
    මේක කරපු කෙනාගෙ ip එක ඔයාල ලඟ ඇතිනෙ. බැරිද ඒකෙන් මුකුත් ක්‍රියාමාර්ගයක් ගන්න.

  3. මානසික රොගීන්…ඔයා සැලෙන්න එපා බුද්ධික අපි ඉන්නව…. FOSS කියන එක අපි ගෙන්න හදන්නෙ අපේ සුභ සිද්ධිය සඳහා නෙවෙ නෙ..ඒ හින්ද අපිට වරදින්නෙ නැ

  4. මේක අන්තර්ජාලයේදී බහුලවම සිදුවන දෙයක්. මානසික ප්‍රශ්න ඇති අය මේවගේ තෙරුමක් නැති වැඩ කලාට අපි කම්පා වෙන්න අවශ්‍ය නැහැ. මෙවැනි ප්‍රහාර වන බව දැනගෙන සිටීමත් ඒවායින් ගැලවීමට නොයෙකුත් උපක්‍රම යොදාගෙන සිටීමත් ඉතා වැදගත්.

මෙම ලිපියට ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )