අනාරක්ෂිත ලිංගික එක් වීමකින් පසු

මේ ලිපියෙන් කියන්න යන්නේ වැදගත් දෙයක් ගැන, ඒක නිසා මාතෘකාව දැකලා බය වෙන්න එපා කවදා හරි ඔයාලට මේක වැදගත් වෙන්න පුලුවන්. ඒක නිසා දැනුවත් වෙලා ඉන්න එක හොදයි නේ. ඉතින් ඒක නිසා තමා මේ පෝස්ට් එක දාන්න හිතුනා. ලිංගික කරුනු කිහිපයක් ගැන තමා මෙම ලිපියේ අන්තර් ගත වෙන්නේ.

කවුරුත් දන්නවනේ අනාරක්ෂිත ලිංගික එක් වීමක් කියන්නේ මොකක්ද කියලා හරි දන්නැති අයටත් දන්නවා කියලා හිතන් ඉන්න අයටත් දැන ගන්න මම කියන්නම්.

මෙමගින් අදහස් කරන්නේ ස්වාභාවික ආකාරයට සිදුවන ලිංගික එක්වීමක්, මෙහිදී කිසිම පාලන ක්‍රමයක් භාවිතා වන්නේ නෑ. එවැනි ලිංගික එක් වීම් නිසා ගැබ් ගැනීමක් හට ගැනීමේ ඉහල අවධානයක් තිබෙනවා, තවද එමගින් ලිංගික සම්ප්‍රේෂනය වන රෝග බෝවීමේ ඉහල අවධානමක් තියෙනවා. එනිසා හැකිතාක් අනාරක්ෂිත ලිංගික එක් වීම් වලින් වැලකී සිටීමට උත්සහ කල යුතුයි. පාලන ක්‍රමයක් භාවිතා නොකරන සෑම විටම මේ පිලිබද සැලකිලිමත් වීම වැදගත්. මන්ද කෙතරම් ප්‍රවේශම් වීම සිදු කලත් ගැබ් ගැනීමට ඇති හැකියාව වැඩියි. මේ සදාහා ඇති හොදම පිලියම වන්නේ කොන්ඩම භාවිතයයි.

කෙසේ වුවද අනාරක්ෂිත ලිංගික එක් වීමක් සිදු වූ පසු ගත යුතු ක්‍රියාමාර්ග මොනවද කියලා බලමු. බොහෝ විශ්වාසයක් තැබිය හැකි ක්‍රමයක් වන්නේ ක්ෂනික ගැබ් ගැනීම් වැලක්වීමට භාවිතා කරන පෙති වර්ගයක් භාවිතා කිරීමයි. මෙහි ප්‍රතිපල ඉතාමත් ඉහලයි.

පික් 1

ඉතින් ලංකාවේ අපි කොහොමද මේ පෙති ලබා ගන්නේ. මෙම පෙති හදුන්වන්නේ Emergency Contraception Pills ලෙසයි. පාමසි මගින් ලබා ගත හැකි Postinor-2 මේ සදහා යොදා ගත හැකියි. මෙම පෙත්ත දොස්තර කෙනෙකුගේ බෙහෙත් තුන්ඩුවක් නොමැතිව වුවද ලබා ගත හැකියි. මෙම පෙත්ත ලංකාව තුල සුලබව සොයා ගත හැකියි.

මෙය භාවිතා කල යුත්තේ පහත දැක්වෙන අයුරින්. මෙහි පෙති දෙකක් පැකට්ටුව තුල වෙනවා. එකක් 750 micrograms බැගින් වූ පෙති දෙකක් වේ.

අනාරක්ෂිත එක් වීමෙන් අනතුරුව හැකි ඉක්මනින් පලමු පෙත්ත ලබාගන්න. පැය 72 ක් ඉක්මවීමට මත්තෙන් ගැනීමට වග බලාගන්න. හැකි ඉක්මනින් ලබා ගත්තරමට ප්‍රතිපල විශ්වාශ කල හැක. ඉන්පසු පලමු පෙත්ත ගෙන පැය 12 කට පසු දෙවන පෙත්ත ලබා ගත යුතුයි.

මෙලෙස හරියට වෙලාවට මෙය භාවිත කලහොත් ප්‍රථිපල ඉතාමත් හොද විය හැකියි. මෙලෙස භාවිතාකලහොත් ගැබ් ගැනීමට ඇති ඉඩ කඩ 1% කටත් අඩුයි.

මෙමගින් ඇති වන අතුරු ආබාධ ඉතාමත් අඩුයි. මේ පිලිබද දැන ගැනීමට අවශය කෙනෙක් ඉන්නව නම් කමේන්ට් එකක් දාන්න. මේ ලිපියට දමන කමේන්ට් අනුමැතියෙන් පසු පමණක් අන් අයට දැක ගැනීමට හැකිවේ. එනිසා යම් ප්‍රශ්නයක් ඇතිනම් කමේන්ට් එකක් ලෙස දමන්න.

ඔබ ජීවිතයේ කවදා හෝ ඔබට හෝ අන් අයෙකුට මෙය අවශයය විය හැකියි.

මෙම ලිපිය සම්පාදනය කිරීමට පෙර ශ්‍රී ලංකා පවුල් සංවිධානය අමතා මෙම කරුනු තවුරු කර ගනු ලැබුවා. 0112 588 488 මගින් ඔබට ඔවුන් හා සම්බන්ධ විය හැකියි. මෙම පෙති පෙට්ටියේ පවා භාවිතා කරන ආකාරය පැහැදිලිව සදහන් කර තිබෙනවා. කෙසේ වුවද මෙම ලිපිය මගින් මෙම පෙත්ත හදුන්වා දීම පමණක් සිදුකල අතර එය භාවිතයට පෙර පවුලේ දොස්ත්ර හමුවී හෝ අනෙකුත් දොස්තර කෙනෙකු මගින් හෝ උපදෙස් ගන්න ලෙසට මා තරයේ අවධාරනය කොයට සිටිනවා. මන්ද යම් යම් තත්ව යටතේ මෙම පෙත්ත ලබා නොගත යුතුයි. ඒ සියල්ලම දැන ගෙන මෙය භාවිතා කරන්න. එම උපදෙස් සෘජුව ලබා දීමට මට බලයක් නොමැති නිසා මේ විස්තර වලින් මම මෙම ලිපිය හමාර කරනවා.

Advertisements

17 comments

  1. ඉතාම වැදගත් ලිපියක්…safe sex ගැන ලිපි ටිකක් දිගටම ලියන්න..

    තරැණ පරපුර විශ්වව්ද්‍යාල ආධයාපනෙත් ඉවර කරනකම්ම ලිංගික ක්‍රියා වලින් වැලකි සිටිය යුතුයි,සෑම ලිංගික සම්බන්ධතාවයක්ම විවාහය පාදක කරගෙන යිය යුකුයි කියන එකතැන පල් වුන සංස්කෘතියක් කරේතියන් යන්න හදන අපිට හම්බුන් නැති ආතල් තොපිට දෙන්නෙත් නෑ කියන ලිංගිකත්වය තහනම් මාතෘකාවක් කරපු වැඩිහිටි පරපුරක් ඉන්න රටක ඔබ වගේ ඍජු නිදහස් අදහස් කෙනෙක් ඇති කෙනෙක් දැකීමත් සතුටක්.. දිගටම ලියන්න

    • [quote]සෑම ලිංගික සම්බන්ධතාවයක්ම විවාහය පාදක කරගෙන යිය යුකුයි කියන එකතැන පල් වුන සංස්කෘතියක් කරේතියන් යන්න හදන අපිට[quote]

      ඔලුවෙන් හිටගෙනද කතාකරන්නෙ?

      • නිත්‍යානුකූල අදාල වයස් සීමාවන් ඉක්මවීමෙන් අනතුරැව ලිංගික සම්බන්ධතා ගැන පමණක් නොව ඕනෑම පෞද්ගලික තිරණ මත සිදුවන හෝ සිදුකරන ක්‍රියාවක වගකීම ඒ ක්‍රියාවට දායක වන්නන් සතුයි.එනිසා ලිංගික සම්බන්ධතා පැවැත්වීමෙන් පසු විවාහ වෙනවද නැද්ද කියන ඒක ඒ සම්බන්ධතා පවත්වපු පුද්ගලයින්ගේ පෞද්ගලික දෙයක්.ඔබවත් මමවත් එහෙම නැත්නම් තත්කාලීන සංස්කෘතියවත් ඔවුන්ගේ තීරණ වලට බලපෑම් නොකල යුතුයි.

        මේ නිසා ඔබ කියන්නේ ඔවුන්ට ඔවුන්ගේ ජිවිත ගැන තිරණ ගැනීමට තියන අයිතිය සීමා සහිත කිරීම සාධාරණයි කියන දේ නම් මම ‍ඒකට එකට නෑ.

    • මේ ර‍ට විනාස වුනානම් උනේ නිවැරදී ඔබ වැනි පුද්ගලියින් විසින් සමකාලීන තරැණ පරපුරට නැවැරදී ලිංගික අධ්‍යාපනයක් ලබා නොදී ලිංගිකත්වය විවෘත සාමාජය තුල තහනම් වචනයක් කරපු දවසේ ඉදලා.නිවැරදී ලිංගික අධ්‍යාපනයක් වෙනුවට ලිංගිකත්වයෙන් වැලකීමේ ආධ්‍යාපනයක් බලෙන් ඔලු ඇතුලට රිංගවපු දවසේ ඉදලා.මොකද නිවැරදි ලිංගික අධ්‍යාපනයක් සහිත පුද්ගලයින්ට ලිංගිකත්වය මැජික් නොවන නිසා
      .

මෙම ලිපියට ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )